Европската филијала за флаширање на гигантскиот производител „Кока-кола“ соопшти дека наредила големо повлекување на производи „Кока-кола“, „Спрајт“, „Фанта“ и други пијалаци, откако проверките утврдиле високи нивоа на хлорат, јавија медиумите.

Повлекувањето се однесува на лименки и стаклени шишиња дистрибуирани во Белгија, Холандија, Велика Британија, Германија, Франција и Луксембург од ноември, изјавија од компанијата во Европа.

„Кока-кола“ тврди дека иако „немаат прецизна бројка“, повлечено е „значително количество“ пијалаци.