Маж од американската сојузна држава Њу Хемпшир вчера со голи раце убил којот, откако дивото животно успеало да го зграби неговиот син за облеката и се обидело да го одвлече, пренесува хрватски „Индекс“.

Иан O’Рајли изјави за Си-Ен-Ен дека „никогаш не сакал да наштети на ниту едно животно и дека поради тоа овој настан му бил многу чудно искуство“.

Откако во борбата којотот успеал двапати да го гризне, О’Рајли го притиснал со телото и успеал да го задави држејќи му ја муцката. Му требале 10 минути за да го совлада ова опасно животно.

– Не размислував многу. Во таков момент не сте свесни всушност што правите. Станува збор за инстинкт – констатира O’Рајли.

Синот на O’Рајли не е повреден.