Деноноќно отворените аптеки во Бугарија исчезнаа, а само мал број ги опслужуваат клиентите 24 часа на ден. Во земјата има вкупно 3.228 аптеки, а само 34 од нив работат без престан, распоредени во 14 реони! Отворањето на сè повеќе нови аптеки доведува до недостиг од специјалисти во нив, соопшти секретарот на бугарскиот фармацевтски сојуз, Светослав Крумов, објави „Телеграф.бг“.

Според него, не се намалува „модата“ за отворање аптеки, особено во економски привлечните области во големите градови, а се отвораат и сезонски аптеки. Добиени се дури 173 дозволи за отворање аптеки за цела 2024 година. Заклучно со јануари 2025 година, во Бугарија работат 3.228 аптеки, од кои 205 се болнички аптеки. Крумов извести дека речиси секој новодипломиран студент – по првата година, откако ќе добие една година работен стаж и ќе има право да биде менаџер, веднаш отвора аптека. Отворањето на сè повеќе нови аптеки доведува до недостиг од специјалисти во нив, иако Бугарија е на едно од првите места во Европската Унија по понуда на мастер фармацевти. Ако во ЕУ една аптека во просек опслужува 4.150 пациенти, во Бугарија една аптека просечно опслужува 2.300 пациенти.