Минатата година, германските граѓани се пензионираа во просек на 64,7 години, што е две и пол години подоцна отколку во 2000 година. Според податоците на Германскиот фонд за пензиско осигурување, трендот на подоцнежно пензионирање е сè поизразен- пишува Каматица.

Иако законскиот план е постепено да се зголемува возраста за пензионирање на 67 години до 2031 година, во коалицискиот договор се наведува дека не се планираат понатамошни зголемувања на возраста. Наместо тоа, се разгледува воведувањето на концептот „активна пензија“, што би им овозможило на оние постари од границата на пензија да заработуваат месечна заработка ослободена од данок до 2.000 евра.

Според копретседателката Ања Пил, пензискиот фонд е стабилен, благодарение на добрата состојба на пазарот на трудот. Минатата година, пензионерите во Германија добивале просечно 1.154 евра месечно. Постои значителна разлика во заработката помеѓу мажите и жените: мажите добивале просечно 1.405 евра, додека жените добивале 955 евра.

Минатата година, Пензискиот фонд им исплатил 402,8 милијарди евра на пензионерите, додека приходите на Фондот биле 402 милијарди.