Косовскиот Центар за безбедносни студии (www.qkss.org) неодамна објави податоци од своето истражување на косовската јавност спроведено во септември и октомври годинава (на репрезентативен примерок од 1.132 граѓани, од кои 90% Албанци, 8% Срби и 2% останати) за тоа каков е односот на тамошното население кон регионалните и други држави во однос на чувствата што ги будат кај косовските граѓани. Анкетата се занимаваше со тоа како Косовците гледаат на влијанието на другите држави врз Косово, за кого веруваат дека најмногу им помогнал во справувањето со ковид-кризата, што мислат Косовците за евроинтеграцијата итн.