Во последните недели раководството на Соединетите Американски Држави и Израел постојано во своите изјави потенцираат дека нема никаква разлика меѓу Хамас и т.н. Исламска држава.

Иако двете екстремиостички групи привлекоа меѓународно внимание, важно е да се разбере дека овие организации не се ниту слични ниту поврзани.

Нивното изедначување нереално ги поедноставува геополитичките сложености на регионот и секако, поистоветувањето се базира на сосема други мотиви.

Една од најзначајните разлики меѓу Хамас и ИСИЛ лежи во нивните индивидуални цели.

Хамас, палестинска политичка и воена организација, првенствено дејствува во Појасот Газа и на Западниот Брег.

Нивниот главен фокус е палестинско-израелскиот конфликт и тежнеење кон формирање на независна палестинска држава.

Иако нивните методи се можеби контроверзни, како де факто изведениот терористички напад и злостпорство извршено на 7 октомври на југот на Израел, нивната основна цел е втемелена во контекст на националната борба.

Спротивно на тоа, ИСИЛ, исто така познат како Исламска држава, се обиде да воспостави транснационален калифат кој се протега многу подалеку од националните граници.

Нивните цели се вкоренети во верскиот екстремизам, а нивната брутална тактика е насочена кон широк спектар на нации и заедници, вклучувајќи ги и самите муслимани.

Поистоветувањето на националистичка организација со глобална џихадистичка група претедимензионирано го поедноставува блиско-источниот повеќедецениски проблем.

Локално наспроти глобално влијание

Хамас и ИСИЛ имаат значително различни влијанија врз регионите во кои дејствуваат. Хамас, како палестинска организација, првенствено дејствува на палестинските територии и Израел.

Иако користеа насилство како средство за постигнување на своите цели, тие се длабоко испреплетени со палестинското општествено ткиво.

Хамас претходно имаше врски со глобалната организација Муслиманско братство, но тие врски беа прекинати во 2017 година.

Во 1989 година, Хамас ја започна својата вооружена борба против Израел, колонијална доселеничка држава, со цел да создаде независна палестинска држава, идеја што дури и меѓународната заедница ја поддржува како дел од решението за формирање на две држави.

Друга важна точка на диференцијација е начинот на кој овие организации се ангажирани на меѓународната сцена.

Додека некои западни земји, заедно со Израел, го сметаат Хамас за терористичка организација, важно е да се напомене дека некои земји и меѓународни тела не го делат тоа мислење.

Спротивно на тоа, ИСИЛ е универзално осудена и прогласена за терористичка организација од речиси секоја нација.

Меѓународниот консензус за ИСИЛ е дециден поради неговата глобална терористичка мрежа и нехуманите практики.

Идеолошки и политички разлики

Исто така, ИСИЛ постојано ги повикува муслиманите да се побунат против нивните влади и држави, додека Хамас нема амбиции да создава незадоволство меѓу Евреите во Израел.

Покрај идеолошките разлики, постојат и големи политички разлики. Хамас учествуваше на изборите и победи со волјата на мнозинството, од друга страна, ИСИЛ воопшто не ја признава демократијата ниту принципот на политичко претставување.

Исмаил Ханија, шеф на политичката канцеларија на Хамас, во 2021 година рече дека Палестинците „можат да изградат политички систем врз темелите на правдата и демократијата“.

Изедначувањето на Хамас и ИСИЛ е поедноставен пристап кој ја игнорира комплексноста на Блискиот Исток.

Иако и двете исламистички организации користат насилство за да ги постигнат своите цели, од клучно значење е да се препознаат разликите помеѓу националистичката палестинска организација и глобалната џихадистичка група.

Хамас произлезе од истото општество со кое сега владее.

Иако од Израел може да се слушне поинаква теза, општо прифатено е дека Хамас се бори за легитимитет и не сака да наметнува потчинување.

Од друга страна, ИСИЛ го сакаше токму тоа, преку насилство и терор да се наметне како светски фактор.