Имаат ли проблеми во работењето македонските новинарки и медиумски работнички? Со Марија Митевска од женската медиумска мрежа „Еднаква“ во утринската емисија „Слободен печат“ зборуваме за проблемите со кои секојдневно се среќаваат на работните позиции.

Првиот македонски електронски медиум бил отворен пред точно 80 години. Зборуваме за Македонско радио – Радио Скопје. Што значело некогаш ова место за државата, каква била неговата улога и влијание и дали и по осум децении го сочува приматот на стожер на македонскиот правоговор. Какви се плановите за во иднина на Македонското радио? На кој начин ќе се слави јубилејот од 80 години постоење? Зборуваме со Наташа Андреевска, главна и одговорна уредничка.

Со шеф Филип Чаловски зборуваме за професионалниот пат до креирање на гастрономското училиште. Тој има мисија да создава и да доусовршува кадри кои ќе дадат значаен придонес во унапредување на гастрономијата и гастрономското искуство во Македонија и пошироко.