Коцевски ги искара велешани: Не фрлајте жар во новите подземни контејнери
Подземниот контејнер што е лоциран пред рампата кај мостот „Гемиџии”, еден од седумте нови што беа ставени во функција во Велес во овој месец, во изминатите денови на двапати гореше како последица на неизгасната жар за што мораше да интервенираат од ТППЕ. Притоа е направена штета, затоа што се изгорени две внатрешни вреќи за одлагање на смет од кои една чини 400 евра.
Градоначалникот Аце Коцевски, на денешната прес-конференција, апелираше до граѓаните за совесно користење на новите подземни контејнери, да го читаат упатството за употреба и да не фрлаат неизгасната жар од своите домашни огништа и со тоа да не предизвикуваат штети.
Препорачано
– Граѓаните, за жал, не ги почитуваат и не ги читаат упатствата што се напишани на контејнерите и истураат жар и пепел од нивните печки за греење од нивните домови, со што се запалени две внатрешни вреќи за смет од кои само една чини 400, а штетета е 800 евра, информира Коцевски.
Тој додаде дека Општината веќе им дала задача на инспекторите и комуналните редари да посветат посебно внимание на новите подземни контејнери и да внимават што граѓаните фрлаат во нив.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ.СО ПОЧЕТНА СУМА ОД 100 ДЕНАРИ
Видео на денот