Сопственик на градежно стовариште од Скопско бил измамен од човек кој се претставил како газда на градежна фирма од Кочани, на кого му испратил градежни материјали, но тој не му ги платил, соопшти МВР.

„На 21.07.2025 во 10:45 часот во СВР Скопје, 40-годишен маж од скопско пријавил дека бил измамен од едно лице за сума од 268.680 денари. Според пријавеното, лицето го контактирало телефонски и се претставило како сопственик на градежна фирма од Кочани, кој сакал да има соработка и да порачува градежни материјали од неговата фирма во скопско. Откако во неколку наврати му бил испорачан материјалот и уредно направена фактура, друго лице, кое се претставило како пријател на лицето од Кочани, му упатило закани по телефон, а подоцна и во неговата фирма во скопско. Се преземаат мерки за расчистување на случајот“, пишива во полицискиот билтен.