КМФ Железарец: Срамно – наместо футсал дерби, намерно ти гасат струја и не те пуштаат во сала
Екс македонскиот шампион во футсал, КМФ Железарец требаше да го игра дерби натпреварот проитв КФМ Форца, но истиот не е одигран.
Препорачано
Како што соопштуваат од КМФ Железарец, наместо дерби, добија забрана за влез во салата „Антон Димитров“ во Бутел од одговорните за одржување на салата „Антон Димитров“ во Бутел по наредба на некој си директор на некој си ракометен клуб.
– Срамно!!! Посрамно здравје!!! КМФ Железарец – КМФ Форца = Футсал дерби без струја
Џабе припреми, џабе тренинзи. Џабе лига, џабе….Кога наместо дерби, наместо вечерно футсал уживање, доживуваш намерно да ти гасат струја и да не те пуштаат во сала оние кои до вчера плачеа дека немале услови за тренинг и за натпревари. Одговорните за одржување на салата „Антон Димитров“ во Бутел, ти кажуваат дека ни Меси да дојде не смеат да го пуштат затоа што добиле таква наредба од некој си господин директор на некој си ракометен клуб. Наредба од повисока инстанца, „wow“ како тоа сериозно звучи!!!
Ама во брзање да ја затворат вратата забораваат дека неколку ракометари сè уште се во салата и остануваат заклучени внатре.
Управите, стручниот штаб, играчите и публиката на двете екипи, заедно со полицијата, делегатот и судиите на натпреварот сè уште се во шок и чудење дека во 21 век некој залутан лик во спортот, лечи некакви свои комплекси.
Изразот на лицата на заклучените ракометари кога излегуваа од салата по 30 мин. „притвор“ кажува сè! А потоа со еден допир на осигурачите магично доаѓа струја во салата, а уште помагично доаѓа заклучокот дека вечерва тука нема да играте топка!
Оооо, господине директор залутан спортски неработнику, КМФ Железарец е достоен да игра во секоја сала, не заради името, туку заради ѕвездите кои ги носи на своето лого доколку сте писмен да знаете што тие значат и како се добиваат.
Со овој ваш чин плукате по македонскиот спорт и футсал како негов дел и нека ви служи на чест ако воопшто ја имате!!! Почитувани пријатели од КМФ Форца, во името на целиот тим на КМФ Железарец примете извинување што бевте дел од ова лошо изрежирано сценарио. Ви благодариме за разбирањето и коректната соработка. Спортски поздрав и се гледаме во сала! – стои во соопштението на КМФ Железарец.
