Фудбалерите на Париз направија уште еден значаен чекор кон пласманот во елитниот ранг на францускиот фудбал.

Тимот кој се најде во центарот на вниманието по веста дека раководството на клубот го презема друштвото на најбогатиот Европеец во светот, Бернард Арно, го дели врвот во Лига 2 на три кола до крајот.

Париз и Лориен се изедначени на првото место, двете позиции директно водат во елитното место, додека Мец е трет со три бода заостанување.

Парижаните во саботата ја совладаа Бастија со 1:0 и со тоа го забележаа четвртиот последователен триумф.

За потсетување, Париз е клуб кој е формиран по разделбата од ПСЖ во 1972 година. Последен пат играше во Лига 1 во 1978 година и оттогаш најмногу игра во пониските лиги.

Последните години бележи постојан пораст, а со доаѓањето на „тежок“ 150 милијарди евра (петти најбогат човек на светот, побогат од Бил Гејтс), клубот јасно ги истакна своите цели – влез во Лига 1 и напад на титулата во најсилниот француски шампионат.

Првата цел е речиси остварена, а времето ќе покаже како ќе се одвива понатамошниот развој на клубот, кој може да биде голем ривал на ПСЖ во наредните години.