Светската фудбалска јавност е во жалост по трагичната вест за смртта на португалскиот репрезентативец и напаѓач на Ливерпул, Диого Жота кој загина во сообраќајна несреќа заедно со својот брат Андре.

Скромниот, но харизматичен Жота, кој остави длабока трага на „Енфилд“, зад себе ја остави сопругата и три деца, а во фудбалскиот свет пристигнуваат пораки на сочувство од сите страни. Еден од оние кои се огласи беше и поранешниот тренер на Ливерпул, Јирген Клоп кој го доведе Жота од Вулверхемптонво редовите на „црвените“ за сума од 45 милиони евра.

„Ова е момент во кој навистина патам! Мора да постои поголема смисла, но не ја гледам! Срцето ми се скрши кога слушнав за смртта на Диого и неговиот брат Андре. Диого не беше само фантастичен фудбалер, туку и одличен пријател, сакан и посветен сопруг и татко! Навистина ќе ни недостигаш!“, напиша Клоп во својата изјава.

Тој не заборави да упати поддршка и на семејството на Жота, особено на сопругата Руте, со која Диого има три синови.

„Сите мои молитви, мисли и сила се со Руте, децата, семејството, пријателите и сите што ги сакаа! Почивај во мир“, додаде Клоп.

Клоп и Жота соработуваа до минатата сезона, кога германецот се повлече од клупата на Ливерпул.

 

View this post on Instagram

 

A post shared by Jürgen Klopp (@kloppo)

ФОТО+ВИДЕО | Taжни сцени пред „Енфилд“: Навивачите на Ливерпул се простуваат од Жота