Ливерпул во летниот преоден рок ќе продаде неколку фудбалери со кои ќе се финансираат евентуалните засилувања, а во исто време ќе се тргнат од платниот список играчите на кои Јирген Клоп не смета.
Според „Атлетик“, Клоп веќе направил листа за отстрел и на неа се наоѓаат седум фудбалери, голманите Адријан и Лорис Кариус, Дивок Ориги, Марко Грујиќ, Хари Вилсон, Шеји Оџо, додека без обесштетување ке си замине и Џорџино Вајналдум.

Младиот голман Келехер го зазеде местото на прва резерва на Алисон Бекер што значи дека идната сезона нема да има место за Адријан и за Кариус.
Ливерпул уште во зимскиот преоден рок се обиде да го продаде Дивок Ориги, но немаше ниту еден официјална понуда и повеќе од јасно е дека тоа ќе се случи на лето.
Грујиќ кој игра на позајмица во Порто, нема да добие нова шанса кај Клоп и од него се очекуваат највеќе 10 милиони евра на лето, а иста судбина и очекува и младите Оџо и Вилсон. Доколку пристигне вистинска понуда, Клоп нема да се двоуми да го продаде и Џердан Шаќири.

Според медиумите во Англија, Ливерпул сака да го растерети платниот список и на лето со сите сили да тргне по Килијан Мбапе и доколку успеат да го ангажираат одличниот напаѓач, тогаш сосема извесно е дека или Салах или Мане исто така ќе си заминат од „Енфилд“.