Клоп: Би било добро Премиер лигата да го има најдобриот играч на светот!
Новата сезона во Англија започнува в сабота (29 август), со натпреварот од ФА Комјунити шилд помеѓу шампионот во Премиер лигата, Ливерпул и победникот на ФА Купот, Арсенал, со почеток од од 17.30 часот на „Вембли“.
Препорачано
Но, во Англија, како и во целиот фудбалски свет, главна тема е Лео Меси и одлуката да ја напушти Барселона.
– Кој не би го сакал Меси? Но, нема шанси, едноставно не можеме да одговориме на тие бројки. Не мораме ни да размислуваме за тоа. Сè е јасно. Нема шанси – рече менаџерот на Ливерпул, Јирген Клоп.
Воедно германскиот стратег коментираше и за евентуалниот трансфер на Аргентинецот во редовите на Манчестер сити.
– Тогаш би било потешко да ги победиме, а веќе беше тешко. За Премиер лигата би било одлично да го има најдобриот најдобриот играч на светот. Но, не сум сигурен дали на лигата ѝ е потребна големо засилување, но сигурно би било. Би сакал да го видам во Англија, тука фудбалот е поинаков отколку во Шпанија. Би сакал, но не сум сигурен дека тоа ќе се случи – додаде Клоп.
