Ќерката на Милан Лане Гутовиќ скршена од тага: Не сум спремна за ова!
Лане остави зад себе бројни улоги, а на сцените со неговиот култен Сречко Шојиќ од познатата „Тесна кожа“, луѓето сè уште се смејат до солзи. Овој југословенски филм, објавен во 1982 година, напишан од Синиша Павиќ и режиран од Миша Милошевиќ, ќе остане запаметен како еден од најомилените филмови на македонската публика од постарата генерација.
Препорачано
препорачаноView this post on Instagram
Репликите и сцените до ден денес се повторуваат и прераскажуваат, а посебно сцената што Лане Гутовиќ во улогата на Сречко Шојиќ ја одигра со пејачката Лепа Брена.
Актерот Милан Лане Гутовиќ почина на 75-годишна возраст на Воено – медицинската академија по неколку дена откако бил итно хоспитализиран поради симптоми на коронавирусот.
На социјалните мрежи, скршена од тага се огласи и ќерката на актерот, Милица Гутовиќ, која се прости од својот татко.
„Татко ми, Милан Гутовиќ, почина денес. Не сум спремна за ова! Немам зборови соодветни за овој момент. Никогаш не можеме да бидеме подготвени за некои загуби. Почивај во мир“, напиша ќерката на славниот актер Лане која ја доби во бракот со неговата прва сопруга, за која никогаш не зборуваше јавно. Милица е негово прво дете, а таа тргна по стапките на нејзиниот татко.
View this post on Instagram
Приватниот живот на Лане Гутовиќ го одбележаа две жени, но детали за првиот брак никогаш не беа објавени во јавноста. Актерот никогаш не зборуваше за првата венчавка, ниту пак сакаше да го открие името на неговата тогашна сопруга. Со неа ги доби ќерките Невена и Милица.
Тие се разведоа пред повеќе од 30 години, но останаа во пријателски односи.
По разводот, Гутовиќ склучи втор брак, со Билјана Кнежевиќ. Брачната среќа траеше десет години, а со тоа ги доби и синовите Јаков и Спасоја. Тој никогаш не се фотографираше со своите партнери, ниту се појавуваше на јавни настани. Денес, Билјана Кнежевиќ работи во театарот Теразије.
Милица досега се има остварено во бројни улоги. Наследничката на Лане глумеше во серијата „Мешан брак“, серијата „Хотел со 7 sвезди“, во филмот „Ивкова слава“, а потоа се посвети на класичниот балет, кој го предава на деца од предучилишна и училишна возраст.
