Добиј ги најважните вести, бесплатно на Viber

Фудбалерите на Наполи ја забележаа првата победа во елитното натпреварување, откако на „Диего Армандо Марадона“ го совладаа Спортинг Лисабон со 2:1. Херој на мечот беше поранешниот напаѓач на Манчестер Јунајтед, Расмус Хојлунд, кој постигна два гола по асистенции на маестралниот Кевин де Брујне.

Наполи поведе во 36. минута преку Хојлунд, но Спортинг израмни во 62. минута од пенал преку Луис Суарез. Сепак, Хојлунд повторно ја затресе мрежата во 79. минута за конечни 2:1. Српскиот голман Вања Милинковиќ-Савиќ ги одигра сите 90 минути за Наполи.

Манчестер Сити исто така беше на чекор до победа против Монако, но прими гол во 90. минута за реми 2:2. Два гола за англискиот шампион постигна Ерлинг Халанд, но Ерик Дајер со гол од пенал донесе бод за „кнежевите“.

Идентичен резултат 2:2 се одигра и во дуелот помеѓу Виљареал и Јувентус. Шпанците поведоа преку Микаутадзе, но „Старата дама“ направи пресврт со головите на Гати и Консеисао. Сепак, во 90. минута Веига со удар со глава донесе бод за Виљареал.