Сопствениците на Формула 1 „Либерти медиа“ потпишаа нов договор со организаторот на трката во Австралија со што патеката „Алберт парк“ во Меллбурн ќе биде дел од најбрзиот спорт на четири трката и во наредните 13 години.

Директорот на Формула 1, Стефано Доменикали потврди дека е потпишан нов десетгодишен договор.

– Мило ми е што можам да потврдам дека Мелбурн и „Алберт Парк“„ ќе останат на календарот на Формула 1 најмалку до 2035 година. Трките во Австралија отсекогаш биле омилен меѓу навивачите, возачите и тимовите. Мелбурн е неверојатен, живописен град и е вистинското место за нашиот спорт. Оваа година огромен број навивачи беа присутни за време на трката за ГН на Австралија и возбудени сме поради продолжувањето на соработката. Нашиот спорт продолжува да расте. Би сакал да им се заблагодарам на претставниците на владата на Викторија, премиерот Даниел Ендрјус и министерот за спорт и туризам Мартин Пакула, како и на челниците на Големата награда на Австралија. Со нетрпение очекуваме да се вратиме во Мелбурн – рече Доменикали по потпишување на договорот.

На годинешната трка беше забележана најголемата посета на спортски настан во историјата што се одржал во Австралија. Целиот викен, петочните тренинзи, саботните квалификации и неделната трка биле следени од дури 420.000 фанови.
Мелбурн за прв пат беше домаќин на Формула 1 трка 1996 годин.