Ќе се формира Комисија за да се распише конкурс за јавно-приватно партнерство за изградба на катни монтажни гаражи во Клинички центар „Мајка Тереза“, информираше денеска министерот за здравство доктор Арбен Таравари.

На ваков начин се планира да се реши сообраќајниот хаос во Клинички центар „Мајка Тереза“.

Уште во времето кога министер за здравство беше доктор Фатмир Меџити, тој имаше предлог до владата за катни гаражи на Клинички.

Според тој проект за кој беше вршена физибилити студија и нејзина адаптација, за што се одлеаа пари од буџетот, требаше да има три катни гаражи во Клиничкиот центар.

Министрите за здравство барем 10 години ветуваат решавање на проблемот со паркингот во Клинички центар.

Министерството за економија и Министерството за финансии дале одобрение за гаражите а сега и владата даде одобрение за да може да се распише јавен повик за јавно приватно партнерство и фирми да почнат да се јавуваат и да ги градат гаражите.

Првичните ветувања беа дека ќе има три катни гаражи, едната кај Клиниката за гинекологија, втората кај хелиодромот а третата на местото на модуларната ковид болница до Инфективната Клиника, од кои две изградени до крајот на 2023 година, што не се оствари.

ВИДЕО ИНТЕРВЈУ | На Клинички Центар ќе никнат две нови катни гаражи- најави Меџити