Специјалниот претставник на САД за Украина, Кит Келог, денес изјави дека најновиот руски напад врз Киев не сигнализира дека Москва сака дипломатски да ја заврши војната во Украина.

„Се чини дека Русија ескалира, а најголемиот напад во оваа војна ги погоди канцелариите на украинската влада во Киев“, напиша Келог во објава на социјалната мрежа X. Келог го опиша рускиот напад врз Киев во ноќта на 7 септември како сигнал дека Русија не сака дипломатски да ја заврши војната во Украина.

Најмалку две лица беа убиени, а 20 беа повредени во рускиот напад врз Киев, изјави шефот на воената администрација во Киев, Тимур Ткаченко.

За прв пат од почетокот на конфликтот, Русија ја нападна и зградата на украинската влада, пренесува Танјуг.

„До 10:00 часот (локално време), потврдени се 20 повредени и двајца убиени во рускиот напад врз Киев“, напиша Ткаченко во апликацијата за пораки Телеграм, пренесува Укринформ.