Зошто најбогатите Кинези ја напуштаат својата земја? Главно поради зголемената државна контрола во економските сектори како што е технологијата, но и поради неизвесноста кај бизнисмените поради акумулацијата на моќта од страна на Си Џинпинг, кој штотуку го започна својот трет мандат како претседател и воен началник на Кина.

„Богатството во последниве години се влеа во Сингапур од Кина и Хонг Конг “, изјави за Ал Џезеира менаџер за богатство во банка во Сингапур која има голем број кинески клиенти.

„Во доверливите разговори, многумина од нив ги наведоа исчезнувањата на кинеските бизнисмени заедно со несигурните економски времиња како главни причини за движењето на парите надвор од Кина“, додава тој.

Според Ал Џезира, во текот на првите 5 години од една од антикорупциските кампањи на претседателот Си, азискиот гигант гонел повеќе од 100 високи функционери во кинеската Комунистичка партија и десетици илјади функционери и бизнисмени.

„Моите клиенти ми кажаа дека, во сегашната политичка клима, Кина е помалку толерантна кон богатите луѓе отколку порано и затоа сакаа да се ’ослободат’ од нивните средства“, објасни еден супервизор на голема меѓународна банка со филијала во Кина.

Според извештајот на агенцијата OrangeTee & Tie, 42% од купувачите на луксузни апартмани во Сингапур во првите осум месеци од 2022 година дошле од континентална Кина. Се чини дека побарувачката ќе продолжи да расте.