Кинеската компанија „Шаоми“ започна серија отпуштања што ќе ја намали работната сила на производителот на паметни телефони за 10 проценти Раководителите на технолошкиот гигант ја донесоа оваа одлука за да ги намалат трошоците, чиј раст е поттикнат од глобалната инфлација и рестриктивните мерки за борба против вирусот ковид-19, објави Блиц Бизнис, пренесува порталот Каматица.

Во „Шаоми“, најголемиот производител на мобилни телефони во Кина и третата по големина компанија во индустријата на глобално ниво (зад Епл и Самсунг, ќе бидат отпуштени работници од различни деловни сектори, вклучувајќи го и одделот за производство на водечки производи, кој три последователни квартали бележи пад и на заработката и на добивката.

Тројца директори на компанијата, исто така, ќе ги напуштат своите позиции, се вели во пораката испратена до вработените од основачот и претседателот на Управниот одбор на компанијата Леи Јун. Овој потег доаѓа на крајот на годината во која целиот технолошки сектор е силно погоден од владините ограничувања на интернет групите што доведоа до пад на профитот и масовни отпуштања.