За време на посетата на кинескиот претседател Си Џинпинг на Куала Лумпур, Кина и Малезија склучија бројни спогодби за соработка, со намера да ја интензивираат заедничката работа помеѓу двете држави во доменот на трговијата и безбедноста, пренесе „Ал Џазира“.

Првите луѓе на двете земји, кои оваа година одбележуваат јубилеј – 50 години од воспоставувањето на дипломатските релации, се спогодија за поцврста кооперација во областа на сигурноста, размената на услуги и железничката инфраструктура, пренесува новинската агенција Кјодо.

Во извештајот се наведува дека малезискиот премиер Анвар Ибрахим изјавил дека Кина е “многу важен партнер”, додека Си Џинпинг подвлекол дека двете држави ќе работат сложно за да ја сочуваат стабилноста во Азија и да се спротивстават на протекционизмот.