Севернокорејскиот лидер Ким Џонг Ун го отвори новиот одморалиште Вонсан-Калма на источниот брег, опремено со водни тобогани, хотели и трговски центри, за да го промовира туризмот во земјата, пишува денес Индепендент.

Одморалиштето може да прими до 20.000 посетители и се протега на 4 километри крајбрежна линија.

За време на турнејата, Ким беше придружуван од неговата ќерка Ким Ју Ае, а на церемонијата на отворањето присуствуваше и рускиот амбасадор, објави британскиот весник, повикувајќи се на севернокорејската државна новинска агенција KCNA.

Според севернокорејските медиуми, овој проект е означен како еден од најголемите успеси во годината и клучен за развојот на туристичката култура во земјата.
Северна Кореја го смета туризмот за еден од ретките извори на странска валута, иако туристичката индустрија е строго контролирана.

Иако одморалиштето беше најавено уште во 2014 година, изградбата се забави поради пандемијата и санкциите.

Северна Кореја почна да ги ублажува ограничувањата во 2023 година, повторно прифаќајќи руски туристи, додека кинеските групни тури се уште се суспендирани.

Овој проект е првиот чекор во развојот на туризмот, а Ким изрази верување дека Вонсан-Калма ќе стане препознатливо светско туристичко одморалиште.