Како што се ближат Бадник и Божиќ, на пазарите и во маркетите, расте понудата на сите видови јаткасти и сушени овошја, без кои не може да се замисли празничната трпеза, а се барани и граѓаните кои постат. Но, цените на овие овошја и на постојаните акции се превисоки, бидејќи килограм суви сливи, кајсии и смокви чинат колку килограм месо, односно од 300 до 700 денари. Цената на урмите оди и до 1.200 денари за килограм, брусниците чинат до 800 денари, а сувото грозје до 400 денари. Има и суви цреши, ананас и киви и сите чинат околу 1.000 денари за килограм. Килограм чистени ореви може да се најде од 600 до 700 денари, лешниците, бадемите и индиските ореви се со цени до 900 денари за килограм, а најевтини во моментот се костените, оревите и бадемите во лушпа, кои се продаваат од 150 до 250 денари за килограм. Трговците велат дека пред Божиќ е можно ново поскапување.

-Сувото овошје се дел од традиционалните деликатеси кои се нудат за божиќните празници, особено на Бадник, кога има пост. На Бадник традиционално на трпезата се поставува кошница со јаболка, портокали, ореви и сушено овошје, како смокви, грозје, кајсии и сливи, како симбол на доброто здравје. Вообичаено ги даваме и на коледарчињата, но годинава во помали количества – велат домаќинките, кои уште сега почнуваат да купуваат суви овошја.

Уште во февруари по земјотресите во југоисточниот дел на Турција, трговците со суво овошје и јаткасти производи, најавија зголемување на цените во зависност од тоа дали воопшто ќе има и како ќе се одвива бербата на кајсии, лешници, бадеми во краевите погодени од земјотресот. Овој регион е нопходен е и за агроиндустријата на Турција, бидејќи голем дел од оттаму доаѓа и производството на кајсии и лешници. Инаку светската трговија со сушено овошје на странските извозници им носи годишен приход од 5 милијарди американски долари, што е доста значајна бројка. Уделот на сувото овошје во светската трговија со овошје и јаткасти плодови е значително намален во последните години и до 2022 година е околу 4 отсто.

-Пред 20 години Турција беше на врвот на листата по количината на сушено овошје, поместувајќи ги САД на второто место. Во последните пет години, просечното учество на износот во Турција достигна 19, додека САД падна на 11 отсто.

-Турските производители се обидуваат да го подобрат квалитетот на своите производи, што им овозможува да добијат повисока цена. Освен тоа, Турција активно учествуваше во реекспортот на сувото овошје, изнајмувајќи го од други земји и додавајќи вредност дома. Во врска со ова, неопходно е да се забележи земја како Германија, која е меѓу петте најголеми извозници на сушено овошје, иако во пракса не произведува сушено овошје. Како целина, првите пет земји: Турција, САД, Чиле, Тајланд и Германија контролираат повеќе од половина (51отсто) од светскиот извоз на суво овошје. Меѓу лидерите се: Кина, Иран, Јужна Африка, Авганистан, Шпанија и Узбекистан. Само во последните неколку години Узбекистан успеа да ја надмине Шпанија во однос на количината на сушено овошје – објави истражувачката компанија ИстФрут.