Офанзивата во сириската провинција Алепо, која започна на 27 ноември, ја спроведува коалиција на исламистички милитантни групи предводени од поранешниот огранок на Ал Каеда, Хајат Тахрир ал-Шам, поддржан од Турција.

Бунтовниците го зазедоа аеродромот во Алепо (EPA EFE – B.A.H.)

Според извештаите од некои исламистички страници на социјалните мрежи, бунтовничките групи стационирани во регионот на Идлиб, кои наводно се членови на Турската исламска партија, поминале низ оперативна обука од специјалните единици на групата Кимик, која е поддржана од украинската разузнавачка служба, пренесува Политика. 

Тимот за обука се фокусираше на тактиките развиени за време на војната во Украина, вклучително и употребата на дронови, пишува „Киев пост“.

Кимик е заслужен за нападот врз руската воена база во југоисточното предградие на Алепо на 15 септември, во кој беа уништени руски борбени беспилотни летала и „камуфлирани импровизирани експлозивни направи“, изјави за Киев пост извор од украинската воена разузнавачка служба.

Истиот извор наведува дека припадници на украинските специјални сили даваат помош за актуелните бунтовнички напади во Сирија, но оваа информација не е потврдена од независни извори.