Корејскиот производител на автомобили „Киа“ соопшти дека повлекува 558.088 возила од сериите модели Niro HEV и Niro PHEV произведени помеѓу 2015 и 2022 година и уште 85.219 возила од Ceed PHEV и Ceed CUV PHEV модели произведени помеѓу 2019 и 2023 година.

Причината за отповикувањето е краток спој во погонот на хидрауличната спојка, кој може да доведе до пожар.

Во овластените сервиси погонот на хидрауличната спојка (HCA) се проверува и се заменува доколку е потребно како превентивна мерка за минимизирање на потенцијалните ризици.

Дополнително, ќе биде поставен нов HCA осигурувач со помал капацитет за да се намали можноста за термички инцидент, соопшти компанијата.

„Киа“ изминатите месеци повлече околу 200.000 свои возила поради различни проблеми.