Пејачката Кети Пери и актерот Орландо Блум го потврдија крајот на нивната врска по девет години.

„Поради големиот интерес и бројните разговори околу врската на Орландо Блум и Кети Пери, потврдуваме дека Орландо и Кети во последните месеци ја променија природата на својата врска и се фокусирани исклучиво на родителството. Тие ќе продолжат да се сметаат за семејство, бидејќи нивниот заеднички приоритет е – и секогаш ќе биде – одгледувањето на нивната ќерка со љубов, стабилност и меѓусебно почитување“, изјавија нивните претставници за „Пејџ сикс“.

Веста за нивното раскинување се појави минатата недела, а кратко потоа, Блум искрено призна дека чувствува „осаменост“ и „тага“. Тој сподели неколку цитати од швајцарскиот психијатар и психотерапевт Карл Јунг.

„Осаменоста не доаѓа од тоа што немаш луѓе околу себе, туку од тоа што не можеш да комуницираш со луѓето кои ти изгледаат важни“, бил еден од цитатите.

„Дури и среќниот живот не може да биде без доза на темнина, а зборот среќа би го изгубил своето значење ако не е урамнотежен со тагата“, пишувало во другата објава.

Како што претходно им рекоа извори на странските медиуми, парот раскинал минатиот месец.

„Кети е секако вознемирена, но ѝ олесна што не мора да помине низ уште еден развод, бидејќи тоа беше најлошиот период од нејзиниот живот“, рекол изворот.

Тој исто така додал дека врската помеѓу Кети и Орландо била напната со месеци и дека раскинувањето било „неизбежно“.

Пери и Блум почнаа да се забавуваат во 2016 година на забавата по доделувањето на Златните глобуси. Три години подоцна, тие се свршија, а во 2020 година ја добија ќерката Дејзи Дав.

ФОТО | Орландо Блум не губи време откако раскина со Кети Пери: Откриено е која е мистериозната жена со која е „фатен“ актерот

ФОТО | Првпат по раскинувањето со Кети Пери: Орландо Блум откри дека е „осамен и тажен“