Арјланд Болдвин, 23-годишната манекенка и ќерка на холивудските ѕвезди Алек Болдвин и Ким Бесинџер, како што тврди, била брутално нападната и ограбена.

Инцидентот се случил на паркиралиште, кога некоја жена физички ја нападнала Арјланд и ја удрирала по лицето. Потоа ѝ ги украла работите што ги носела и побегнала во колата што ја чекала.

Манекенката сликата од помодреното лице ја сподели на Инстаграм и опиша што точно ѝ се случило.

„Вчера во доцните попладневни часови ме нападна жена под дејство на дрога и очајна да набави пари. Ме удираше по лицето, ми ги зема работите и побегна во колата, во која ја чекаше сопругот“, напиша во објавата Арјланд.

Потоа додаде дека полицијата го решила случајот, а нејзе ѝ помогнале луѓето кои се нашле во близина.

„За среќа, имаше сведоци кои ми помогнаа. Полицајците ми рекоа дека тоа често се случува, бидејќи луѓето се очајни и немаат пари затоа што поради коронавирусот останале без работа. Има многу кражби“, напиша Болдвин.

„Ова го објавувам за да ве потсетам да бидете внимателни и да внимавате на тоа што се случува околу вас. Ова се тешки времиња и треба да се чуваме едни со други“, пораша Арјланд.