Возач под дејство на алкохол бил приведен по сообраќајна незгода што се случила на 21 јули во 21:15 часот на улицата „7 Септември“ во Кавадарци, информира МВР.

Како што се наведува во соопштението, полицијата го уапсила 29-годишниот Р.С. од Кавадарци, кој управувал возило „фолксваген“ и учествувал во судир со возило „пежо“, управувано од 31-годишниот Б.К., исто така од Кавадарци.

При проверките било утврдено дека Р.С. управувал под дејство на алкохол – во неговата крв биле измерени 2,92 промили.

Тој бил задржан во полициска станица, а по насоки на јавен обвинител, против него ќе биде поднесена кривична пријава.