Катар ќе свика итен арапско-исламски самит за да разговара за израелскиот напад врз лидерите на Хамас во Доха, објави државната новинска агенција QNA.

Самитот ќе се одржи во главниот град на Катар во недела и понеделник, објави Ројтерс.

Постојаната мисија на Јужна Кореја, која претседава со Советот за безбедност на ОН во септември, соопшти дека телото ќе се состане во вторник за да разговара за израелскиот напад врз Катар.

Израел изврши напад врз лидерите на Хамас во Доха, Катар, во вторник попладне.

Израелските медиуми објавија дека нападот бил извршен со употреба на 15 израелски воени авиони, кои испукале 10 ракети кон една цел.

Хамас соопшти дека петмина негови членови се убиени, но рече дека неговото врвно раководство преживеало.