Поради актуелната ситуација со коронавирусот, а во насока на превенција, заштита и безбедност, квалификациониот турнир кој требаше да се одржи во салата „Берси” во Париз од 8 до 10 мај за обезбедување на настап на Олимписките игри во Токио 2020 е одложен, информираат од Карате федерацијата на Македонија.

Најдобриот македонски каратист, Емил Павлов, требаше да настапи на турнирот во Париз на кој ќе се бореше да стане вториот македонски спортист кој  обезбедил норма за настап на Олимписките игри во Токио.
На Павлов кој се наоѓа на седмото место на ранг листата, му беше потребно да биде помеѓу првите тројца на сега одложениот турнир за да обезбеди норма за ОИ.

Новиот датум за одржување на турнирот кој Светската карате федерација (WKF) во координација со Меѓународниот олимписки комитет го определи е од 26 до 28 јуни 2020 година.