Шведска и Данска повлекуваат од пазарот капини по потекло од Србија поради присуство на норовирус, објави Европскиот систен за брза узбуна и известување за храната.

Капините се повлечени од пазарот на Данска, со оглед на тоа дека овошјето е дистрибуирано и во други земји на ЕУ.

Шведска објави дека норовирус е откриен во примерок земен при официјалната пазарна контрола на 13 ноември, пренесува Н1.

Како што е наведено, ризикот по здравјето е сериозен. Норовирусот е еден од најчестите вируси кои предизвикуваат стомачни тегоби.