Пит Хегсет, американски воен ветеран и водител на ТВ Фокс њуз, кој Доналд Трамп го избра за нов секретар за одбрана, беше предмет на истрага за наводен сексуален напад во 2017 година, потврдија официјални лица во калифорнискиот град Монтереј,  објавија американските медиуми- пренесува Политика,рс.

Како одговор на повеќекратните барања за пристап до јавни документи, вклучително и едно од CBS News, официјалните лица јавно потврдија доцна во четвртокот навечер дека полициската истрага против Хегсет била спроведена во 2017 година, јавува CBS.

Во соопштението од кабинетот на градоначалникот и полициската управа во Монтереј се дадени само неколку детали за случајот и потврдија дека нема да бидат објавени дополнителни детали за истрагата.

Инцидентот, наводно, се случил ноќта меѓу 7 и 8 октомври 2017 година во хотелот Хајат Реџенси Монтереј, но полицијата не го објави името или возраста на наводната жртва, опишувајќи ги повредите како „ контузии на десната надколеница“ и изјави дека во инцидентот не било употребено оружје.