Женски чевли се повлекуваат од добро познат малопродажен синџир во Хрватска бидејќи е утврдено дека се канцерогени! Спорните чевли се женски чевли од Јанина со сериски број 1201473/002. Увозник за Хрватска е германскиот малопродажен синџир KИK Текстилиен унд Нон – Фуд ГмбХ, а дистрибутер е хрватска фирма. Земјата на потекло на чевлите е Кина, откри Државниот инспекторат на Република Хрватска.

Производот претставува хемиски ризик во однос на одредени супстанции класифицирани како канцерогени, мутагени или репродуктивно токсични супстанции бидејќи ја надминуваат максималната дозволена количина. Станува збор за високо канцерогена супстанца дибензо(a,h)антрацен (ДБА) која се формира со нецелосно согорување на органска материја, обично во производството или контролирани хемиски процеси.

Може да се пренесе на луѓето преку вдишување или контакт со контаминирани предмети. „Задолжителната мерка е уништување на целата пратка обувки. Потрошувачите кои ги купиле предметните обувки се повикуваат да престанат да ги користат“, соопшти Државниот инспекторат, предупредува Даница.хр.