Канаваро: Заврши карантинот за мене, можам слободно да патувам низ Кина! (ВИДЕО)
Поранешниот италијански фудбалер и воедно освојувач на мундијалска титула го има потребниот документ и така донесе надежи, убави вести за светот.
Фабио Канаваро (46) вели дека „животот се враќа во нормала“ во Кина откако заврши неговата изолација. На тој начин поранешниот италијански фудбалер во овие тешки моменти сподели убави вести и воедно надежи за неговата држава и останатиот дел од светот.
Препорачано
-
1
-
2
-
3
Канаваро го помина времетраењето на пандемијата на коронавирусот во Кина, поради неговата улога како тренер на екипата на Гвангжу Евергранде.
Поранешниот капитен на италијанската фудбалска репрезентација верува дека ситуацијата сега е под контрола.
– Здраво на сите, карантинот заврши за мене. Ова е документ што ми дозволува слободно да патувам низ Кина – рече Канаваро на Инстаграм.
– Отидов на шопинг ова утро, отидов во банката и излегов на ручек. Луѓето преземаат многу мерки на претпазливост, ја мерат нивната температура и излегуваат надвор со маски и ракавици.
Сеуште се посветува многу внимание на вирусот, но животот се враќа во нормала, така што ова ни дава надеж за нас во Италија – додаде Канаваро.
Во својата кариера Канаваро со својата репрезентација беше светски шампион во 2006 година, а на клупски план со Реал Мадрид двапати ја освои „Ла Лига“, а со Парма по еднаш во 1999 тогашниот Куп на УЕФА (сега Лига Европа) и Суперкупот на Италија, и со два трофеи во националниот куп.
