Канада издаде ново предупредување за патување до своите ЛГБТИ+ граѓани кои планираат да ги посетат САД. Анти-ЛГБТИ протестите во САД се зголемиле за 30 пати минатата година во споредба со 2017 година, додека законските потези за ограничување на правата на ЛГБТИ заедницата се во пораст.

Глобал Аферс Канада предупреди дека некои државни закони може да влијаат врз нив при нивните патувања, но не прецизирале каде точно. Ваквите предупредувања обично се резервирани за земји како што се Уганда, Русија или Египет, пишува Би-Би-Си.

„Некои држави донесоа закони и политики кои може да влијаат на лицата од ЛГБТИ заедницата. Проверете ги релевантните државни и локални закони“, стои на страницата за совети за патување во САД.

Портпаролот на Глобал Аферс Канада укажа на американските закони кои се насочени кон трансродовата заедница.

„Од почетокот на 2023 година, одредени сојузни држави во САД донесоа закони со кои се забрануваат драг-шоу и ограничување на трансродовата заедница од пристап до грижа за потврдување на полот и учество во спортски настани“, изјавија тие за Си-Би-Си Њуз.

Кампањата за човекови права, најголемата група за застапување на ЛГБТИ заедницата во САД, во јуни објави дека ЛГБТИ Американците се соочуваат со вонредна состојба бидејќи државите продолжуваат да ги таргетираат со законодавство.