Фудбалерите на Барселона нема да се вратат на „Камп Ноу“ уште долго време. Иако беше најавено дека реконструкцијата ќе биде завршена до почетокот на сезоната, се доцни и стадионот не е подготвен.

Поради тоа, клубот беше принуден да ја откаже традиционалната пријателска средба за Трофејот „Жоан Гампер“, која требаше да се одигра оваа недела на обновениот стадион.

Според „Марка“, новиот план е Барса да се врати на „Камп Ноу“ на 14 септември, но со намален капацитет од само 30.000 гледачи. Пред реновирањето, стадионот собираше до 90.000.

Целосното завршување на работите не се очекува пред крајот на новата сезона.