Академик Владо Камбовски очекува дека Венецијанската комисија ќе го потврди Законот за здруженија и фондации во делот на забрана на здруженија кои шират национална омраза, откако шефот на диполоматијата Бујар Османи најави дека изменетиот Законот за здруженија и фондации ќе го испрати на преглед во Венецијанската комисија.

Според академикот, тој закон во тој дел на забрана на партии, е општа парктика насекаде во демократските држави, дури уставните судови имаат надлежност директна да забранат делување на политичка партија која има програма или дејствува спротивно на вредностите што се прогласени со националниот устав, човековите права, забрана на дискриминација, ширење на омраза, нетрпеливост и слично.

-Јас очекувам дека Венецијанската комисија ќе го потврди тој став. Не верувам дека таа ќе рече: може да да може да формирате здруженија што ќе шират национална омраза. Па тоа ниедна држава не го допушта во светот, видете тоа е спротивно на сите меѓународни стандарди и норми од универзалната декларација, европската конвенција за заштита на човековите права, за нивна еднаквост, за забрана на дискриминација. Секој може да се бори за своите права, но без да ги загрози правата и слободите на другиот. Тоа е темелно начело на правото што мора секој национален правен поредок да го заштитува. Може да формирате какви сакате здруженија но никој нема право од позиција на здружение да негира и загрозува права на другите – изјави Камбовски.