Управниот Одбор на Ракометната федерација на Македонија го назначи Левче Китевски за нов директор на машката ракометна репрезентација. Китевски доаѓа на местото на Димитар Митревски, кој пак доби нова функција, ќе биде координатор на машки ракометни репрезентации.

Китевски беше директор на Металург кога екипата беше редовен учесник во Лигата на шампионите, а по напуштањето на екипата кога ја зафати финансиска криза, тој беше прв човек на српскиот пролигаш Железничар Ниш.

Управниот одбор го назначи поранешниот селектор на машката и на женската репрезентација, Гино Стрезовски, за стручен советник на селекторот во женските репрезентации.

Промени има и во УО на РФМ, кој е засилен со две нови имиња, главниот извршен директор на Триглав Осигурување АД Скопје, Ѓорѓе Војновиќ и Билал Суџубаши кој е генерален извршен директор на Халкбанк АД Скопје.