Калин Ивановски оствари голем триумф на стартот од квалификациите на на Челинџер 125 турнирот во Братислава, Словачка (наградниот фонд на турнирот е 148625 евра).

Македонскиот тенисер со 2:0 во сетови 7:6 (4), 7:6 (3) го совлада Американецот Александар Ковачевиќ кој се наоѓа на 99 место на АТП листата. Двата сета Ивановски ги доби во тај брејкот, притоа во текот на целиот меч имаше максимална контрола над играта и резултатот, иако за противник имаше тенсер од ТОП 100. Мечот траеше точно 100 минути.

Ивановски мечот го заврши со осум ас сервиси и две двојни сервис грешки, додека противникот имаше четири аса и три двојни сервис грешки.

Двајцата тенисери имаа по една брејк топка која не ја искористија, а Ивановски беше поуспешен и во вкупниот број на поени 80:73.

Денешниот ривал на Ивановски, Ковачевиќ беше рангиран како втор носител во квалификациите. Во следното коло (утре) Ивановски ќе игра со победникот од мечот меѓу Милош Карол од Словачка и Максим Крејси од САД.