Македонскиот тенисер Калин Ивановски преку социјалните мрежи ја информираше јавноста дека предвреме ја завршува сезоната.

Причината поради која ќе го пропушти остатокот од сезоната е повреда која го спречува нашиот тенисер да настапува на нови турнири во следниот период.

– За сите што прашуваат – ќе го пропуштам остатокот од сезоната поради повреда. Фокусиран сум на опоравување и да се вратам посилен. Ви благодарам на сите за поддршката – стои во објавата на Ивановски.

Моментно македонскиот тенисер наоѓа на 799 место на АТП ранг листата.

Годинава Ивановски играше во финалето на турнирот во Опатија, Хрватска, стигна и до полуфиналната фаза на турнирот во Загреб, а со репрезентацијата во Дејвис купот успеа да обезбеди пласман во Втората светска група.