Дознајте какви пријатели се хороскопските знаци. Кога Стрелецот ќе ви помогне, кога Овенот ќе ве изневери, што Шкорпијата ќе побара за возврат…Секој знак е карактеристичен по нешто, откријте по што.

Овен: Овенот е добар пријател, но и опасен противник. За него работите никогаш не завршуваат на пола пат. Очекува целосна лојалност во односите и чесно пријателство. За возврат ќе ви даде голема љубов и верност.

Бик: На припадниците на овој знак пријателството им е многу важно и сè ќе направат да го сочуваат. Тие се трпеливи и упорни пријатели, а во состојба се бесконечно да ве убедуваат во тоа што тие го мислат и го посакуваат.

Близнаци: Тие секогаш очекуваат да бидете благодарни на нивните убави зборови и гестови. Често имаат тенденција да мислат дека пријателите не прават доволно за нив. Секогаш се со младешки дух и ѕвезди се на секоја забава.

Рак: Раковите се големи пријатели, но сепак, не очекуваат премногу од пријателството. Секогаш се подготвени да даваат, но знаат многу да се разочараат ако нивните пријатели тоа не го почитуваат. Ќе ви останат верни додека не ги повредите.

Лав: Лавовите се пријатели вредни злато – никогаш не ги оставаат луѓето на цедило, силни се и добри. Имаат топло и искрено срце кога пријателството е во прашање. Сепак, во пријателството ќе сакаат да бидат доминантни.

Девица: Станува збор за хумани пријатели, предност даваат на услужливоста и грижата за другите. Стабилни се и доверливи пријатели кои даваат практични совети и сугестии. И не сакаат да ги „расипуваат“ пријателствата.

Вага: Вагите сакаат да им помагаат на пријателите, даваат конкретни совети, но тешко им е да ги утешат кога се во прашање емоциите. Тоа не значи дека се ладни, туку едноставно не сакаат да се мешаат во туѓите емотивни чувства. Одлично друштво се, воспитани и културни.

Шкорпија: Тие се експлозивни, вистински динамит. Знаат да бидат добри пријатели, но подеднакво знаат да бидат и таинствени и лицемерни. Пребирливи се кога пријателството е во прашање, но кога еднаш ќе најдат вистински пријател – лојални се и одлично ги чуваат тајните.

Стрелец: Тоа се луѓе кои сакаат да им помагаат на другите и имаат доволно големо срце да простат дури и крупни недостатоци во пријателството. Дури и кога пријателите ќе ги разочараат, нема да ги одбијат од себе или да ги замразат.

Јарец: Секогаш градат долги и стабилни пријателства. Иако немаат манири во пријателските разговори, никогаш нема да ве остават ако сте во неволја. Знаат да градат и пријателства од личен интерес.

Водолија: Водолиите се подобри советници отколку пријатели. Причината е во тоа што проблемите и ситуациите јасно и објективно ги гледаат, и не вклучуваат емоции во сè тоа. Сепак, луѓето се среќни кога имаат Водолија за пријател и често ги слушаат нивните насоки.

Риби: Добри пријатели, полни со разбирање и хуманост. Благодарение на добрата интуиција ги „читаат мислите“ на пријателот и секогаш се тука да го утешат. Родени дипломати се и секогаш ќе ве извадат од непријатна ситуација.