Научниците од Универзитетот во Хјустон објавија истражување кое покажува дека луѓето кои уживаат во пушењето електронски цигари за многу краток временски период можат да стекнат предиспозиција да заболат од астма.

Резултатите од таа студија покажуваат дека потполно здравите луѓе по користењето на овие цигари во период од само 30 дена имаат 252 отсто поголем ризик да заболат од астма подоцна во животот, пишува Жоурнал оф де Американ Медикал. Ассоциатион.

Еден од авторите на ова истражување, проф. Д-р Адриана Перез рече дека и претходните истражувања ја утврдиле штетата по здравјето на ваквите цигари, но дека ова е првпат научно да се докаже колку време е потребно сериозно да се наруши здравјето и да се создадат сериозни предиспозиции за понатамошен развој на астма.

Јасното воспоставување период од само еден месец уживање во вакви цигари, што укажува на голема веројатност за иден развој на овој тип на респираторни заболувања, се надеваме дека ќе им помогне на луѓето добро да размислат пред да се вклучат во овој вид на уживање, додава таа.

Посебно е нагласена потребата од дополнително анализирање на влијанието на електронските цигари врз здравјето на младите, но неопходно е да се дефинира и опасноста за другите возрасни групи.

Во САД, според Центрите за контрола и превенција на болести, отсуството од работа и училиште, поврзано со астма, смртноста и лекувањето на оваа болест предизвикува годишни трошоци од 300 милијарди долари. Неопходни се построги законски регулативи во однос на конзумирањето тутун и сеопфатна превентивна политика за да се спречи создавањето услови за развој на астма, особено со употребата на електронски цигари, нагласува Перез.

Податоците од меѓународните здравствени институции покажуваат дека речиси 300 милиони луѓе во светот страдаат од астма, а бројот на заболени се зголемува за 50 отсто секоја деценија.

Некои студии водат до заклучок дека нешто помалку од половина од пациентите се изложени на сериозен ризик од посериозни респираторни компликации. Се наведува и дека глобалниот број на корисници на електронски цигари надмина 82 милиони.

Тие цигари најмногу се користат на африканскиот континент каде уживаат повеќе од 20 милиони пушачи, во Европа оваа бројка е 16,8 милиони, додека во САД 16 милиони луѓе користат електронски цигари.