Овошните мушички се чест проблем кај многу домаќинства во лето. Најчесто ги среќаваме во кујната и иако се безопасни, многумина се досадни. Ако сте ги сретнале, не треба да се грижите.

„Овошните мушички не се знак на нечист дом. Тие најчесто влегуваат во вашето домаќинство на намирниците што ги купувате“, изјави Мелиса Рикер за House Beautiful.

Сепак, многу е тешко да се контролираат затоа што положуваат јајца буквално на сè, дури и на најситни трошки. Како тогаш да се ослободите од нив?

Прво, преместете го садот со овошје во фрижидер и проверете дали не оставате храна, валкани садови или трошки на работните површини или работната маса.

Второ, измијте ги овошјето и зеленчукот веднаш штом ги донесете од купување. Обичната вода е добар избор, но ако ја мешате со оцет, ќе ја продолжите свежината на овошјето и зеленчукот.

Овошните мушички сакаат и шеќер, па имајте на ум дека никогаш не треба да оставате празни чаши од кои сте пиеле алкохолни пијалоци или сокови.