Легендарниот Рикардо Кака смета дека репрезентацијата на Србија може да биде изненадување на Светското првенство во Катар.

„Бразил е фаворит за титулата на Светското првенство во Катар, тимот долго време работи на овој проект и сега има одличен спој на младост и искуство“,изјави поранешниот бразилски фудбалер Кака.

Кака во интервјуто за „Газета дело Спорт“ покрај Бразил, Аргентина и Франција, ја спомна и селекцијата на Србија која е во група со „Кариоките“.

„Не чека специфичен Мундијал, се игра во друго време и адаптацијата на климата и опоравувањето може да има голема улога. Тука се уште Аргентина и Франција, а Србија може да биде изненадување. Убеден сум дека најдобрите фудбалери ќе бидат на висина на задачата, а посебно ме интересира да ги видам Кристијано Роналдо и Лионел Меси и нивното влијание на последното Светско првенство што ќе го играат. Исто така би сакал да го видам Нејмар како нивни наследник“, смета Кака.

Кака беше дел од селекцијата на Бразил која го освои Светското првенство во Јужна Кореја во 2022 година.