Пратеничката на СДСМ Сања Лукаревска во емисијата „Вести плус“ на Канал 5 телевизија вечерва рече дека по сите големи ветувања на изборите во 2024 година и по четири години локална власт, има „огромни разочарувања“ кај граѓаните од ВМРО-ДПМНЕ, особено за нереализираните ветувања и економијата.

-Со ВМРО-ДПМНЕ има катастрофални економски параметри, платите стагнираат, додека во регионот растат, и БиХ не претрка со минимална плата од 511 евра. Регионот оди нагоре ние стагнираме, а како што растат цените како што растат трошоците за живот така паралелно мора да растат и платите, а сега ние имаме очајни плати а имаме европски цени нашата минимална плата е скоро една третина од европската плата, тоа е навистина е недозволиво, рече Лукаревска.

Лукаревска потсети дека власта ги одби сите предлози на СДСМ за подобрување на животниот стандард, за зголемување на платите, за намалување на на ДДВ за електрична енергија и укинувањето на ДДВ за основните прехранбени производи, не го применува законот за нефер трговски практики.

Таа додаде дека СДСМ изнесува алармантни состојби за владеењето на ВМРО-ДПМНЕ на локално и централно ниво, како и бројни скандали.

-Ние како опозиција секојдневно, еве изминатите два дена имавме серија на преск-онференции од наши кандидати за градоначалници, во конкретни општини со цел да се разобличи она што значи локално владеење на ВМРО-ДПМНЕ и секако нивните градоначалници кои не ги исполнија ветувањата, рече Лукаревска.