Кристијано Роналдо и со 36. години игра во фантастична форма во Јувентус, руши рекорди во Серија А, но и со светскиот фудбал, но во „старата дама“ веќе почнуваат да размислуваат за неговиот наследник.
Португалецот има договор со Јувентус до 2022 година, клубот му нуди сега да потпише нов двегодишен договор со кој би останал во Торино до 2023 година, а претседателот Андреа Ањели неговиот наследник го пронајде во Лондон.
Според „Калчомеркато“, Јувентус е подготвен да издвои 90 милиони евра за ангажман на одличниот фудбалер на Тотенхен, Хјонг-мин Сон.
Управата на „старата дама“ веќе подготви план како да ги обезбеди потребните средства и решението е продажба на тројца фудбалери, Арон Ремзи, Даглас Кошта и Федерико Бернардески.
Сон од 2015 година го носи дресот на Тотенхем и неколку сезони е еден од најдобрите фудбалери во Премиер лигата. Репрезентативецот на Јужна Кореја има фантастично оваа сезона, во Премиер лигата досега постигна 13 гола и има шест асистенции, а вкупно во сезоната на 34. натпревари има постигнато 17 гола и 12 асистенции.