Кристијано Роналдо се наоѓа на излезни врати од Манчестер јунајтед иако новиот менаџер на екипата Ерик тен Хаг упорно повторува дека Португалецот ќе остане на „Олд трафорд“, додека управата веќе работи на пронаоѓање на негова замена.

Изминатите денови се споменуваше името на младиот напаѓач на Лајпциг, Брајан Броби кој има работено со Тен Хаг во Ајакс, но денеска француските медиуми пишуваат дека нова цел на Јунајтед е напаѓачот на Олимпик Лион, Муса Дембеле.

Французинот иа 25 години, а минатата сезона на 30 натпревари во Лига 1 постигна 21 гол. Договорот на Дембеле му истекува идното лето и во Јунајтед се надеваат дека за разумна цена, тоа е сума до 30-тина милиони евра би успеале да се договорат за Лион.