Националниот ансамбл за народни игри и песни – „Танец“ е нашиот идентитетски код и оваа година слави голем јубилеј – 75 години постоење, со низа концерти дома и надвор.

„Конечно, со радост можеме да го најавиме и последниот, централен свечен концерт што ќе се одржи на 22 декември (недела), во Националната опера и балет, со почеток во 19 часот. Ќе бидат изведени многу музичко-сценски бисери од богатата фолклорна ризницата, потекнати од различни периоди на делувањето на ансамблот – „Тешкото“, „Женско чамче“, „Драчевка“, „Свадба“, „Два танца“, „Џамала“, „Пиринско пролетно цвеќе“, „К’лц нога“, „Копачка“, „Беломорски бисер“, „Малешевка“, „Радовишки собор“ и многу други вокални и вокално-инструментални точки, во изведба на вонсериските национални уметници на ансамблот „Танец“, соопштија од „Танец“.

„Ќе се пее и игра, ќе се сеќава и празнува. Ќе има и изненадувања. Не го пропуштајте овој редок музичко-сценски спектакл на безвременскиот „Танец“!, наведуваат од „Танец“.