Јавното сообраќајно претпријатие Скопје соопшти дека утре автобусите ќе сообраќаат по редовен зимен возен ред. В среда, на 1 јануари јавниот превоз ќе сообраќа по неделен возен ред, при што на 1 јануари, првите вклучувања на возилата на ЈСП Скопје и приватните превозници ќе бидат подоцна од вообичаеното, а останатите согласно неделниот возен ред.

Од четврток (2 јануари) јавниот превоз ќе сообраќа по редуциран делничен зимен ред, кој ќе важи до крајот на зимскиот училиштен распуст.

Во среда билетарниците и центрите за персонализација, нема да работат, а од четврток (2 јануари) продолжуваат со вообичаено работно време.

Жичницата на 31 декември 2024 година ќе работи вообичаено, од 10 до 17 часот, а на 1 јануари 2025 година од 11 до 17 часот.